Vartdal Plastindustri AS sitt produktnamn på EPS er Styropor. Ved produksjon av Styropor ekspanderer ein opp polystyren til lette kuler. Dette er dei same kulene som ein finn i Saccosekker. Under trykk og oppvarming bind desse kulene seg saman og kan dermed formast til store blokker. Desse blokkene skjer vi sidan til ulike storleikar som passar til varesortimentet vårt.
Ekspandert polystyren, EPS, er den skumplastisolasjonen som er mest brukt til isolering av bygningskonstruksjonar. EPS består av lukka celler som inneheld ca. 98 % luft.
EPS har framifrå isolasjonseigenskapar, låg fuktabsorpsjon og høg trykkfastheit.
Styropor har lågt fuktopptak og vert levert i ulike hardleikar. Den mest selde er Styropor S80. Denne vert brukt m.a. til isolering under bustader. Den toler 24 KN pr. kvadratmeter i langtidslast. Tilsvarer 2,4 tonn.
Den kraftigaste plata vår er Styropor 300. Den toler 90 KN pr. kvadratmeter i langtidslast. All Styropor er kvit.
Bruksområde: Styropor EPS kan brukast som isolasjon i alle deler av bygningen, frå grunn til tak. Med Styropor EPS sikrar du bygningen mot kulde, vind og fukt.
